今日係我24歲生日

人生假設係有100歲命，我已經過左大概1/4...

今日係我24歲生日

人生假設係有100歲命，我已經過左大概1/4
今日我諗左好多野，本來放工想返屋企，但又想搵人呻下，就搵左個朋友出黎陪我食飯，當我一路講一路講嘅時侯，佢突然問:『點解你不斷讚你嘅同事，而從來無讚過你自己? 你一直以來嘅自信去左邊?』

嗰刻，我呆左。係，我從來都對自己好有自信，只要我想要嘅，我都可以用我嘅能力去得到我想要嘅野(除左女之外)，無論讀書，做事我都好有自信，但自從返工後，依份自信就漸漸無左，因為我見識到咩叫做一山還有一山高，雖然我岩岩畢業出黎無經驗，但我唔想用依個作為藉口，我相信無一個人係想自己咁弱勢，而且我對自己要求都好高，所以壓力都慢慢愈黎愈大。

有時侯聽到同事嘅分享，覺得佢地人生經歷過好多野，試左好多野，玩過好多野，真真正正嘅Play Hard Work Hard! 我都想好似佢地咁，而唔要係做一個返工，放工返屋企嘅機器，特別佢嗰句:『雖然放工後又要玩嗰樣，試嗰樣係好累，但起碼我Enjoy緊我嘅人生!』

前排出左糧，面對住一筆我從來無拎過咁豐厚嘅人工，我就決定好好利用依筆錢去改變我嘅人生，同時都要令自己有資格去v繼續拎依份人工。我要重拾返嗰份自信，嗰一份竟敢自稱做孔明嘅自信!

食食下飯，隔離枱有人慶祝生日，我就講笑話:『其實我今日都係生日。』

我朋友死都唔信，仲問我拎身份證，然後話我成日都收收埋埋，完全唔知我諗咩。

哈......有時侯，作為男人又好，大過左又好，我寧願收埋都唔想同人講，因為我已經慣左由細到大都係自己一個人去面對困難，唔知好事定壞事呢 哈哈。

今日生日，照舊我又係Facebook收埋個生日日子，雖然我唔介意依啲野，但最令我感到驚喜嘅係，現實中無人記得我生日，但竟然有一班讀者係記得我生日，PM我講生日快樂......我真係 我真係我真係十分感謝你地，我成日都話，我孔明有左你地依班讀者，係我嘅福氣，我真係好鐘意你地，多謝你地!

24歲，係我人生另一個轉捩點。加油，「劉啟明」。

---